नवी दिल्ली|
विधानसभा अध्यक्षांच्या कक्षात गोंधळ केल्याप्रकरणी भाजपाच्या 12 आमदारांचे एक वर्षासाठी निलंबन केले होते. त्याबाबत आता सर्वोच्च न्यायालयाने मोठा निर्णय दिला असून त्या 12 आमदारांचे निलंबन रद्द केले आहे. परिणामी या आमदारांना आता येणाऱ्या अर्थसंकल्प अधिवेशनात उपस्थित राहता येणार आहे.
विधानसभा अध्यक्षांच्या कक्षात राडा करत, अध्यक्षांना शिविगाळ केल्याने त्याचसोबत तत्कालिन तालिका अध्यक्ष भास्कर जाधव यांच्या अंगावर धावून गेल्याचा आरोप करत भाजपाच्या 12 आमदारांचे 5 जुलै 2021 रोजी वर्षभरासाठी निलंबन करण्यात आले होते .
याप्रकरणी भाजपने सर्वोच्च न्यायालयात धाव घेतली होती.सर्वोच्च न्यायालयाने भाजपाच्या 12 आमदारांचे निलंबन रद्द करताना सुनावणी वेळी ठाकरे सरकारलाही फटकारले आहे.
