पुणे|
आगामी पुणे महानगरपालिका निवडणुकीसाठी एरवी एकमेकांविरोधात असलेल्या शहर काँग्रेसमधील काही ज्येष्ठ नेत्यांनी भाजपशी छुपे संगनमत करून स्वतः सह त्यांचे राजकीय वारसदारांसाठी प्रभाग सुरक्षित केल्याची कुजबुज काँग्रेसभवनमध्ये होत असली तरी आवाज कोण उठवणार हा प्रश्न कार्यकर्त्यांना भेडसावत असल्याचे वास्तव आहे.
यंदा पुणे महापालिकेची निवडणूक ‘मिनी विधानसभा’च्या धर्तीवर ही निवडणूक होत असली तरी पूर्वाश्रमीचे मातब्बर पुन्हा निवडणुकीच्या आखाड्यात उतरले तर त्यांचा विजय निश्चित आहे. कारण बहुतांश नव्या संभाव्य प्रभागात त्यांना मानणारा मतदारवर्ग मोठा असल्याने ती जमेची बाजू ठरणार आहे. त्यात काँग्रेसच्या विद्यमानांसह माजी लोकप्रतिनिधींना सर्वाधिक संधी प्राप्त होऊ शकते आणि ते पुन्हा सभागृहात दाखल होऊ शकतात.अशी अनुकूल परिस्थिती आहे.त्यामुळेच या संधीचे सोने करण्याबरोबरच, घरातील राजकीय वारसा पुढे सुरु रहावा यासाठी काँग्रेसच्या ज्येष्ठ नेत्यांचा कल हा महाविकास आघाडी करून लढण्याकडे होता. मात्र काँग्रेस प्रदेशाध्यक्ष नाना पटोले यांचे नवीन चेहऱ्यांना संधी देताना पक्ष संघटन बळकटीकरण यासाठी स्वबळाचे धोरण होते आणि अजूनही आहे. नेमकी प्रदेशाध्यक्षाच्या विरु
निष्ठावंत काँग्रेस कार्यकर्त्यांनी करायचे काय
काँग्रेसच्या स्थानिक नेत्यांनी त्यांच्या मुलांसाठी पर्वती विधानसभा मतदारसंघात २, कसबा विधानसभा
मतदारसंघात २, पुणे कॅंटोन्मेंट विधानसभा मतदारसंघात ३ अशी प्रभागांसाठी तजवीज केल्याचे सूत्रांचे म्हणणे आहे. सद्यस्थितीत पालिकेत काँग्रेसची सदस्य संख्या पाहता,त्यात आणखी तीन सदस्य निवडून येतील. परिणामी काँग्रेसचे सदस्य संख्या वाढेल असा दावाही सूत्रांचा असला तरी निष्ठावंत काँग्रेस कार्यकर्त्यांनी करायचे काय, हाच मुद्दा काँग्रेसच्या वर्तुळात गाजणार आहे.
